ain.az bildirir, Demokrat.az portalına istinadən.
"Bir müddət öncə bəzi dairələr Azərbaycan Prezidenti cənab İlham Əliyevin Rusiyaya səfərinin səhv addım olacağını iddia edirdilər. Lakin artıq aydın görünür ki, bu səfər əvvəlcədən düşünülmüş və rəsmi dövlət mövqeyinə əsaslanan addım idi. Prezident səfər zamanı mövqeyini açıq şəkildə ortaya qoydu, səbəbləri izah etdi və Azərbaycanın maraqlarını prioritet kimi təqdim etdi".Bunu Demokrat.az-a açıqlamasında politoloq Samir Hümbətov deyib.O, bildirib ki, nəzərə almaq lazımdır ki, Rusiya tərəfi bəzi məsələlərlə bağlı müəyyən açıqlamalar versə də, kompensasiya ödənişləri və digər prosedurlar hələ də tam şəkildə icra olunmayıb:"Bu isə açıq şəkildə ortadadır və böyük ehtimalla məhz bu prosesdən sonra Rusiya tərəfi müəyyən öhdəlikləri, istər-istəməz, yerinə yetirməli olacaq. Bununla belə, baş verənlərin Azərbaycana mənfi təsir göstərəcəyi real görünmür. Əksinə, Azərbaycanın mövqeyi aydındır və bu mövqe milli maraqlara əsaslanır. Prezidentin yanaşması Azərbaycan dövlətinin və xalqının maraqları ilə üst-üstə düşür".Politoloq bildirib ki, dövlət və xalq eyni mövqeni paylaşdığı halda, ölkə daxilində hər hansı ciddi gərginliyin və ya dövlətə qarşı problem yaranmasının mümkün olmadığı qənaətindədir:"Əlbəttə, müəyyən cəhdlər edilə, süni narazılıqlar və ya gərginliklər yaradılmağa çalışıla bilər. Bu, Rusiya siyasətində zaman-zaman müşahidə olunan bir yanaşmadır. Lakin bu cür cəhdlərin Azərbaycanla münasibətlərdə real gərginlik yaratması və ya hər hansı fayda verməsi inandırıcı deyil. Azərbaycanın prinsipial və qətiyyətli mövqeyi bir daha göstərir ki, ölkə regionda öz sözünü deyən dövlətdir və beynəlxalq səviyyədə məsələlərə ciddi və məsuliyyətli yanaşan aktor kimi qəbul olunur".Əfsanə Kamal
Demokrat.az
Hadisənin gedişatını izləmək üçün ain.az saytında ən son yeniliklərə baxın.
