“Trendyol Azərbaycan” MMC-yə yarandığı gündən bu tərəfə beşinci dəfə maya qoyulub.
Banker.az xəbər verir ki, şirkətin nizamnamə fondunun həcmi artırılaraq 168.19 milyon manata yüksəldilib.
Bu da son bir ayda 34 faiz, yarandığı gündən bu tərəfə isə 841 dəfə artım deməkdir.
Şirkət 2023-cü ilin avqustunda 200 min manatla təsis edilmişdi.
Xatırladaq ki, “Trendyol Azərbaycan” 2023-cü ilin avqustundan dövlət qeydiyyatına alınıb. Ölkə bazarına girməmiş ana şirkət sayılan “Trendyol” “PASHA Holding” ilə birgə açıqlama yayaraq şərik müəssisə quraraq ölkədə e-ticarət xidmətləri göstərəcəyini bildirmişdilər. Şirkətin direktoru İrem Çağlı Yılandildir.
