Azərbaycan Prezidenti İlham Əliyevin təşəbbüsü əsasında amnistiya aktının icrasına başlanılıb. Dekabrın 19-da Milli Məclis tərəfindən qəbul edilən amnistiya qərarının icrası bu gündən etibarən həyata keçirilir.
Amnistiya aktının icrası Ədliyyə Nazirliyi Penitensiar xidmətinin tabeliyində olan cəzaçəkmə müəssisələrində aparılır.
İlkin siyahıya əsasən, 5 minə yaxın şəxs azadlıqdan məhrumetmə cəzasından azad ediləcək, 3 mindən çox şəxsin isə cəzası 6 ay müddətinə azaldılacaq. Bundan əlavə, azadlıqdan məhrumetmə ilə bağlı olmayan cəza növləri üzrə ümumilikdə 10 mindən çox şəxs amnistiya aktının əhatə dairəsinə düşür.
***
Bu gündən etibarən cəzaçəkmə müəssisələrində rəsmi şəxslərin, vətəndaş cəmiyyətinin və media nümayəndələrinin iştirakı ilə məhkumların bir qisminin azadlığa buraxılması prosesi həyata keçiriləcək.
Qeyd edək ki, dekabrın 19-da Milli Məclis “Konstitusiya və Suverenlik İli” münasibətilə amnistiya elan edilməsi haqqında qərar qəbul edib.
Xatırladaq ki, Ədliyyə Nazirliyinin penitensiar müəssisələri üzrə amnistiya aktının tətbiq ediləcəyi məhkumların sayı 8 minə yaxındır. İlkin siyahıya əsasən, onların 5 minə yaxınının azadlıqdan məhrumetmə cəzasından azad edilməsi nəzərdə tutulur.
