Tələbə fəal Şərif Hadinin qətli iki ölkə arasında diplomatik böhran yaradıb...
Poliqon xəbər verir ki, Banqladeş uzun illərdir yaxın müttəfiqi və ticarət tərəfdaşı olan Hindistanla münasibətlərində ciddi gərginlik yaşamağa başlayıb. Səbəb Banqladeşdə baş verən gənc fəal Şərif Hadinin qətlidir. Hadinin yaxın günlərdə parlament seçkilərinə namizədliyini irəli sürəcəyi planlaşdırılırdı.
Polisin məlumatına görə, qatil ehtimal ki, Hindistana qaçıb. Hindistanda isə həmçinin Banqladeşin keçmiş baş naziri Şeyx Hasina yaşayır. O, 15 il ərzində ölkəyə rəhbərlik edib və əvvəlki məhkəmə qərarına əsasən, ölüm cəzasına məhkum edilib.
Hazırda Dakkaa həm keçmiş baş nazirin, həm də mümkün qətl törətmiş şəxsin ekstradisiyasını tələb edib. Bununla belə, Hindistan Banqladeşi provokativ hərəkətlərdə günahlandırıb.
Hadisə iki ölkə arasında diplomatik gərginliyin artmasına səbəb olub və regional təhlükəsizlik və ticarət əlaqələrinə təsir göstərə biləcəyi vurğulanır.
Poliqon.info
