Rusiya Prezidenti Vladimir Putinin Azərbaycan Prezidenti İlham Əliyev və Ermənistanın Baş naziri Nikol Paşinyan ilə ayrı-ayrılıqda görüşləri planlaşdırılır.
Senzor.az bildirir ki, bu barədə Rusiya Prezidentinin mətbuat katibi Dmitri Peskov məlumat verib.
Onun sözlərinə görə, MDB liderlərinin qeyri-rəsmi ünsiyyəti ikitərəfli söhbətlərlə müşayiət olunur: "Əslində bu formatın dəyəri də bundadır".
Bundan əvvəl məlum olub ki, Azərbaycan Prezidenti İlham Əliyevi MDB ölkələri liderlərinin Sankt-Peterburqda keçiriləcək qeyri-rəsmi sammitində gözləyirlər.
Sonradan bəlli olub ki, Ermənistanın Baş naziri Nikol Paşinyan dekabrın 21-22-də Sankt-Peterburqa işgüzar səfər edəcək və orada Ali Avrasiya İqtisadi Şurasının iclasında iştirak edəcək.
MDB dövlət başçılarının qeyri-rəsmi sammiti dekabrın 22-də keçiriləcək.
