"Mançester Siti"nin hücumçusu Erlinq Holand İngiltərə Premyer Liqasında qol sayına görə "Mançester Yunayted"in sabiq oyunçusu Kriştianu Ronaldunu keçib.
Azreform.info xəbər verir ki, norveçli indi "Çelsi"nin keçmiş hücumçusu Didye Droqba ilə bərabərləşib.
Holand və Droqbanın hər birinin Premyer Liqada 104 qolu var. Lakin norveçli hücumçunun bu həddə çatması üçün 140 oyun az keçirməsi kifayət edib. Ronaldu isə karyerası ərzində bu turnirdə 103 dəfə fərqlənib.
Qeyd edək ki, bu mövsüm 25 yaşlı Erlinq klubunun heyətində İngiltərə Premyer Liqasında 17 oyun keçirib, 19 qol vurub və üç məhsuldar ötürmə edib.(oxu.az)
