“Atletiko” klubu “Bavariya”nın yarımmüdafiəçisi Leon Qoretzkanı transfer etmək istəyir.
Publika.az xəbər verir ki, bu barədə AS nəşri məlumat yayıb.
Mənbənin məlumatına görə, 30 yaşlı futbolçu 2026-cı ilin iyununda başa çatacaq müqaviləsinin uzadılmaması səbəbindən yay transfer pəncərəsində azad agent statusunda Madrid klubuna keçə bilər. “Bavariya”nın Qoretzka ilə yeni müqavilə imzalamaq niyyətində olmadığı bildirilir.
Futbolçunun vəziyyətini “Yuventus” və “Napoli” klubları da yaxından izləyir.
