ain.az, Axar.az saytına istinadən bildirir.
Hindistanın Baş naziri Narendra Modinin göyərtəsində olduğu helikopter sıx duman səbəbindən Qərbi Benqal ştatında onun iştirakı ilə planlaşdırılan mitinqin keçirilmə yerinə enə bilməyib.
Axar.az xəbər verir ki, bu barədə PTI agentliyi məlumat yayıb.
Hindistan hökumətinin rəhbəri Kəlküttə hava limanına qayıtmaq məcburiyyətində qalıb.
Vurğulanıb ki, Taherpurdakı Netaci parkında mitinq üçün nəzərdə tutulan meydançada xaos yaranıb, baş nazirlə görüş üçün toplaşan izdihamın səbri tükənib və dolu olan əraziyə soxulmağa cəhd edib.
İzdiham əraziyə VİP girişlərdən birini sındırıb və təhlükəsizlik işçiləri tərəfindən qurulmuş barrikadaları aşmağa cəhd edib ki, bu səbəbdən yerli polis və administrasiya müvafiq tədbirlər görmək məcburiyyətində qalıb.
Qeyd edək ki, daha əvvəl Modinin Qərbi Benqalda yol tikintisi üzrə bir neçə layihəni işə salması, daha sonra mitinqdə şəxsən iştirak etməsi planlaşdırılırdı.
Daha ətraflı məlumat və yeniliklər üçün ain.az saytını izləyin.
