BAKI, 20 dekabr. TELEQRAF
ABŞ Prezidenti Donald Tramp 2022-ci ildə Florida ştatındakı Mar-a-Laqo mülkündə gizli sənədlərin qeyri-qanuni saxlanması ilə bağlı aparılan axtarışda qanun pozuntularına yol verildiyi iddiası ilə zarafatla özünü 1 milyard dollar mükafatlandırıb.
Teleqraf xəbər verir ki, dövlət başçısı bu barədə Şimali Karolinada tərəfdarları qarşısında çıxış edərkən danışıb.
“Bu qərarla mən özümə 1 milyard dollar mükafat verirəm. Əslində, bəlkə də onu xeyriyyəçiliyə verməməliyəm; bəlkə də saxlamalıyam” – Tramp əlavə edib.
Siyasətçi xatırladıb ki, o, mülkündə axtarış aparılması ilə bağlı çoxdan məhkəməyə müraciət edib. Sonda pulu geri almaqdan imtina edib.
Trampın sözlərinə görə, çox adam ona deyir ki, prezident pulu götürməlidir, amma o istəmir.
Qeyd edək ki, 2022-ci ilin fevralında Tramp 2021-ci ildə ilk prezidentlik müddəti başa çatdıqdan sonra Milli Arxivə təhvil verilməli olan 15 qutu məxfi sənədləri Ağ Evdən çıxarmaqda şübhəli bilinirdi. Tramp sənədləri qaytarsa da, ABŞ Ədliyyə Departamenti siyasətçinin özü üçün heç nə saxlamadığından əmin olmaq üçün Mar-a-Laqoda axtarış aparılmasını əmr etdi.
FTB agentləri 2022-ci ilin avqustunda siyasətçinin Floridadakı iqamətgahına basqın edərək 11 qutu məxfi sənədləri ələ keçirib. Daha sonra Tramp qəzetlərdəki məlumatların artıq məxfilikdən çıxarıldığını və onları könüllü olaraq müstəntiqlərə təhvil verməyə hazır olduğunu iddia etdi.
