Brüssel və bir neçə Avropa ölkəsinin liderləri Rusiya ilə Ukrayna arasındakı münaqişənin həlli üçün danışıqlara böyük risklər yaradırlar...
Poliqon xəbər verir ki, Macarıstanın xarici işlər naziri Peter Siyarto bunu TASS-a verdiyi müsahibədə bildirib.
"Hesab edirəm ki, sülh danışıqlarına ən böyük riskləri Brüssel və sülhlə qətiyyən maraqlanmayan Qərbi və Şimali Avropa ölkələrinin liderləri yaradır", deyə Siyarto bildirib.
Onun sözlərinə görə, onlar bütün Avropanı Rusiya ilə müharibəyə sürükləmək istəyirlər.
Bu həftə The New York Times qəzeti ABŞ və Aİ nümayəndələrinin Berlində Ukrayna hökumət rəsmiləri ilə görüşlərində təhlükəsizlik zəmanətləri ilə bağlı iki sənəd üzərində razılığa gəldikləri barədə məlumat verib. Bu sənəd Ukrayna silahlı qüvvələrinin gücləndirilməsini və respublikada Avropa qoşunlarının yerləşdirilməsinin qarşısının alınmasını nəzərdə tutur.
Sənədlərdən birində NATO Nizamnaməsinin kollektiv müdafiə prinsipini təsbit edən 5-ci maddəsindəki zəmanətlərə bənzər "ümumi prinsiplər" təsvir olunur. Sazişin ikinci hissəsi ABŞ və Avropa hərbçiləri ilə onların Ukrayna həmkarları arasında əməkdaşlığa toxunur.
Poliqon.info
