Ümumi auditoriya üçün sürətlə uçan hər bir hərbi təyyarəni qırıcı adlandırmaq cəlbedici görünə bilər, lakin bu tərifə tam uyğun gəlməyən bir neçə model var...
Poliqon xəbər verir ki, bu barədə "Slashgear" yazıb.
Qeyd olunur ki, əfsanəvi A-10 Warthog qırıcı tərifinə uyğun gəlmir. A-10-dakı "A" hərfi "Hücum edən" (Attack) deməkdir və belə təyinatı olan hər hansı bir təyyarə xüsusi olaraq yerüstü hədəflərə hücum vəzifələrini yerinə yetirmək üçün yaradılıb. A-10 kimi bir təyyarə düşmən qüvvələrini, əsas döyüş tanklarını və bunkerləri məhv etməklə asanlıqla məşğul olur və müttəfiqlərin öz vəzifələrini təhlükəsiz yerinə yetirməsinə kömək edir.
Vacibdir ki, qırıcıların unikal üstünlüyü onların sürət və manevr qabiliyyətinə yönəlmiş konstruksiyasındadır. A-10 800 km/saat sürətə belə çata bilməzkən, F-15 Strike Eagle kimi qırıcılar 2900 km/saatdan çox sürət inkişaf etdirə bilir. Bu ona görədir ki, onlar daha yüngüldür, nəticədə daha az zirehlidirlər. A-10 isə titan zirehi sayəsində bir neçə güllə dəyməsinə davam gətirib havada qala bilir.
Silahlanma baxımından, A-10-un güclü 30 mm-lik yeddi lüləli Gatling topu GAU-8/A-dan başqa, hücum təyyarələri müxtəlif bombalar və "hava-yer" tipli raketlərlə təchiz olunur. Qırıcılar isə, digər tərəfdən, müxtəlif silahlar daşıya bilər, lakin əsasən digər təyyarələrlə döyüşmək üçün nəzərdə tutulduğundan, "hava-hava" tipli raketlər daşıyırlar.
Qeyd olunur ki, A-10-dan başqa, ABŞ HHQ yük təyyarəsinin güclü modifikasiyası olan, tez-tez "Ölüm Mələyi" adlanan AC-130J Ghostrider-dan da hücum təyyarəsi kimi istifadə edir. O, yerüstü qüvvələrə yüksək dəqiqlikli zərbə kompleksindən istifadə etməklə birbaşa havadan dəstək göstərmək üçün yaradılıb. Bu modifikasiya keçmiş yük təyyarəsini 30 mm və 105 mm-lik toplarla, həmçinin müxtəlif bombalar və "hava-yer" tipli raketlərlə təchiz edir.
Həmçinin, vaxtaşırı hücum vəzifələrini yerinə yetirən, buna görə də onların təyinatında "A" hərfi olan F/A-18 Super Hornet kimi təyyarələr də var. AC-130J və A-10 adətən birbaşa havadan dəstək təmin edərkən, F/A-18 Super Hornet həm də uzun mənzilli dəstək göstərməyə qadirdir, yəni onlar döyüş zonasından uzaqda olsalar da, yenə də aktiv iştirak edirlər. Super Hornet pilotları tez-tez qanadlarında bir neçə "hava-hava" tipli raket, həmçinin bir-iki lazerlə idarə olunan bomba, bir neçə ümumi təyinatlı bomba, raket və mina daşıyırlar.
Qeyd olunur ki, müasir qırıcılar ilə hücum vəzifələri arasında çoxox ortaq cəhət var, çünki hər bir qırıcı bomba daşıya və hücum tapşırıqlarını yerinə yetirə bilir. Baxmayaraq ki, bəzi təyyarələr sadəcə hücum rolu üçün daha uyğundur. A-10 və AC-130J təyyarələri döyüş zonası üzərində asılı qalaraq birbaşa havadan dəstək təmin edə və zirehləri sayəsində effektiv qala bilərlər. F-22 isə bunu eyni effektivliklə edə bilməz.
Poliqon.info
