Avropa Mərkəzi Bankının (AMB) prezidenti Kristin Laqard Avrozona iqtisadiyyatının davamlı olaraq qaldığını bildirib və əlavə edib ki, "dəyişkən beynəlxalq mühit səbəbindən inflyasiya proqnozu qeyri-adi dərəcədə qeyri-müəyyən olaraq qalır".
Laqard, AMB İdarəetmə Şurasının ilin son pul siyasəti iclasında bazar gözləntilərinə uyğun olaraq üç əsas faiz dərəcəsini dəyişməz saxlamasından sonra Frankfurtda jurnalistlərə açıqlamalar verib.

Laqard mətbuat konfransına pul siyasəti qərarlarını oxumaqla başlayıb, sonra iqtisadi və inflyasiya tendensiyalarına toxunub və jurnalistlərin suallarını cavablandırıb.
Laqard Avrozonanın iqtisadiyyatının böyüməyə davam edəcəyini bildirib və əlavə edib ki, qarşıdakı illərdə daxili tələbat iqtisadi artımın əsas mühərriki olacaq.

Qlobal mühiti iqtisadi artıma maneə kimi göstərən Laqard, infrastruktur və müdafiə sahələrinə dövlət xərclərinin artımı dəstəkləyəcəyini vurğulayıb.

Laqard qeyd edib ki, inflyasiya yazdan bəri "dar diapazonda" qalıb və bankın 2% hədəfinə uyğundur.

Avrozona iqtisadiyyatının davamlı qaldığını bildirən Laqard deyib:

"Dəyişkən beynəlxalq mühit səbəbindən inflyasiya proqnozu qeyri-adi dərəcədə qeyri-müəyyən olaraq qalır. ABŞ tariflərinin artması Avrozonanın ixracına tələbatı azaldarsa və artıq tutuma malik ölkələr Avrozonaya ixracatlarını artırarsa, inflyasiya daha aşağı ola bilər. Bundan əlavə, möhkəmlənən avro inflyasiyanı gözləniləndən daha çox aşağı sala bilər. Maliyyə bazarlarında artan dəyişkənlik və riskdən yayınma tələbə aşağı təzyiq göstərə və beləliklə, inflyasiyanı aşağı sala bilər."

aia.az
Tərcümə şöbəsi

• Proqnoz
• Amb
• Inflasiya
• Qeyri-Müəyyən
• Laqard