"Hərbi əməliyyatlar başlamazdan əvvəl, o cümlədən əməliyyatlar zamanı bəzi transferlər Rusiya sülhməramlı helikopterləri tərəfindən həyata keçirilib".
Redaktor.az xəbər verir ki, bunu Qarabağda ləğv olunmuş separatçı rejimə rəhbərlik edən Samvel Şahramanyan deyib.
O qeyd edib ki, Ermənistandan Qarabağa və ya əksinə hər uçuş Azərbaycan tərəfinin ciddi nəzarəti altında olub: "Azərbaycan tərəfi helikopterləri diqqətlə yoxlayırdı, hətta başqa insanların daşınmadığından əmin olurdular. Bu şərtlər altında kiminsə gizli şəkildə köçürülməsi praktik olaraq mümkün deyildi və belə bir ssenari reallığa çevrilə bilməzdi".
