ain.az bildirir, Idman.biz saytına əsaslanaraq.
“Red Bull” komandasını təmsil edən 28 yaşlı niderlandlı yarış pilotu və dördqat “Formula-1” çempionu Maks Ferstappen 2026-cı ildə yarış nömrəsini dəyişdirəcəyini təsdiqləyib.
İdman.Biz xəbər verir ki, pilot artıq 33 nömrə altında yarışmayacaq.
“Bu, 33 nömrəli olmayacaq. Ən sevdiyim nömrə həmişə 3 olub, 1 nömrəsi istisna olmaqla. İndi onu dəyişə bilərik. Bu, 3 nömrəli olacaq. 33 nömrə də yaxşı idi, amma mən iki 3-ə qarşı bir 3-ə üstünlük verirəm. Həmişə deyirdim ki, bu, ikiqat xoşbəxtliyi simvolizə edir, amma təbii ki, “Formula-1”də artıq şansım olub”, Maks Ferstappen “Viaplay” telekanalının efirində bildirib.
Maks “Formula-1” karyerasının çox hissəsində 33 nömrə altında çıxış edib. Çempionluğu qazandıqdan sonra o, titul sahibi kimi 1 nömrəni götürüb və 2025-ci il mövsümündə əvvəlki ilin qalibi kimi həmin nömrə altında çıxış edib.
İdman.Biz
Ən son xəbərləri və yenilikləri almaq üçün ain.az saytını izləyin.
