"Bloomberg" agentliyinin məlumatına görə, Türkiyə ABŞ ilə münasibətləri yaxşılaşdırmaq üçün Rusiyaya S-400 hava hücumundan müdafiə raket sistemlərini qaytarmaq istəyir.
Nəşrin məlumatına görə, bu təşəbbüsü Türkiyə Prezidenti Rəcəb Tayyib Ərdoğan irəli sürüb. Türkmənistanda Rusiya Prezidenti Vladimir Putinlə görüşündə o, Moskvanın S-400 hava hücumundan müdafiə raket sistemlərini geri almasını təklif edib. Ərdoğan belə bir addımın Türkiyənin ABŞ-la münasibətlərini yaxşılaşdıra və hətta ABŞ sanksiyalarının qaldırılmasını asanlaşdıra biləcəyinə inanır.

Mənbə qeyd edir ki, Türkiyə 2026-cı ildə sanksiyaların ləğv olunacağını gözləyir və Rusiya S-400-lərinin alınmasına xərclənən "milyard dollar"ın geri qaytarılmasını istəyir. Nəşrin məlumatına görə, bu səbəbdən Türkiyə Rusiyadan enerji idxalı xərcləri üçün endirim tələb edə bilər.

Əvvəllər Rostov vilayətindən Türkiyəyə 2000 tondan çox günəbaxan ununun ixrac edildiyi bildirilirdi.

aia.az
Tərcümə şöbəsi

• Türkiyə
• Rusiya
• Imtina
• S-400