Azertag saytına istinadən ain.az xəbər verir.
Gəncə, 17 dekabr, Elcan Məmmədov, AZƏRTAC
Azərbaycan Dövlət Aqrar Universiteti (ADAU) İnnovasiyalar Mərkəzinin təşkilatçılığı və “Prime Cotton” MMC-nin maliyyə dəstəyi ilə "HackCotton" startap müsabiqəsi başlayıb.
AZƏRTAC-ın bölgə müxbiri xəbər verir ki, tədbirin açılışında çıxış edən Universitetin Tədris işləri üzrə prorektoru Əhməd Məlikov iştirakçılara uğurlar arzulayıb.
Sonra universitetin Elmi işlər üzrə prorektoru Azad İbrahimov, “Prime Cotton” şirkətinin R&D rəhbəri Fərid Firuddinov, KOBİA Gəncə-Daşkəsən üzrə regional koordinatoru Anar Əliyev və İnnovasiyalar Mərkəzinin direktoru Elvin Ağayev çıxış ediblər.
Qeyd edək ki, 24 saat ərzində baş tutacaq hakatonda 9 ali təhsil müəssisənin 15 startap komandası iştirak edir.
Finalda qalib gələn komandalar 3000 AZN mükafat əldə edəcəklər.
Sonrakı hadisələr barədə daha çox məlumat almaq üçün ain.az saytını izləyin.
