AzVision.az “Bloomberg” agentliyinə istinadən xəbər verir ki, dekabrın 16-da Fransanın Milli Maliyyə Prokurorluğu Sarkozinin, onun həyat yoldaşı Karla Bruni və digər şübhəli şəxslər keçmiş prezident əleyhinə ifadəsini geri götürməyə razı salmaq üçün əlbir olmaq ittihamı ilə mühakimə edilməsinə dair vəsatət qaldırıb.
“Söhbət Sarkozinin mərhum Liviyanın lideri Müəmmər Qəddafinin rejimi ilə bağlı olan seçki kampaniyasını maliyyələşdirmə işinə aiddir. Fransanın keçmiş prezidenti bu işlə bağlı 2025-ci ilin sentyabrında mühakimə olunub. Məhkəmə vəsatətlə bağlı yekun qərarı istintaq hakimi verəcək”, - məlumatda deyilir.
Xatırladaq ki, Nikolya Sarkozi 2007-ci ildə prezidentlik kampaniyasının Liviya tərəfindən maliyyələşdirilməsi ilə bağlı işdə mühakimə olunduqdan sonra oktyabrın sonundan Parisin La Sante həbsxanasında saxlanılırdı.
Noyabrın 10-da məhkəmə Sarkozinin apellyasiya şikayətinə baxılmasına qədər həbsdən azad buraxılması xahişini təmin edib.
Sahil İsgəndərov
AzVision.az
