Prezident tərəfindən 15 dekabrda təsdiqlənən Çexiya hökuməti çərşənbə axşamı keçirilən iclasda Avropa İttifaqının miqrasiya paktını rədd edib.
Aznews.az xəbər verir ki, bu məlumatı ölkənin baş naziri Andrey Babişə istinadən Çexiya Xəbər Agentliyi (ÇXA) yayıb.
"Bugünkü iclasda hökumət Aİ-nin miqrasiya paktını rədd edib", – baş nazirin sözləri belə çatdırılıb. Nazirlər Kabinetinin proqram bəyanatı layihəsində Aİ miqrasiya paktından imtina və miqrasiyanın, sığınacaq verilməsinin tənzimlənməsi üzrə yeni qanunvericilik aktlarının hazırlanması nəzərdə tutulur.
Agentliyin təqdim etdiyi qərara görə, hökumət qaçqınların Aİ ölkələri arasında kvotalarla bölüşdürülməsini rədd edib və qeyri-qanuni miqrantların tamamilə qəbul edilməməsi mövqeyini bildirib.
"Hökumət Aİ-də miqrasiya və sığınacaq verilməsi paktını mövcud formada rədd edib və onun sərtləşdirilməsinə fəal şəkildə çalışacaq", - sənəddə qeyd olunub. Çexiya Aİ-nin xarici sərhədlərinin gücləndirilməsində, qaçaqmalçılara qarşı mübarizədə və qeyri-qanuni miqrantların problemlərinin icma hüdudlarından kənarda həllində israr edir.
