ABŞ Prezidenti Donald Tramp 6 yanvar 2021-ci il tarixində etdiyi çıxışın bir sənədli filmdə montaj olunma tərzinə görə Böyük Britaniyanın ictimai yayım qurumu BBC-yə qarşı 5 milyard dollarlıq böhtan iddiası qaldırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp həmçinin Florida ştatının ticarət təcrübələri qanununu pozduğu iddiası ilə əlavə olaraq daha 5 milyard dollar tələb edir.
Floridada məhkəməyə təqdim olunan iddia ərizəsində bildirilib ki, BBC-nin "Panorama" sənədli filmində çıxışın müxtəlif vaxtlarında deyilmiş cümlələr qəsdən, pis niyyətlə və saxtakarlıq yolu ilə təhrif edilərək birləşdirilib və bununla Trampa böhtan atılıb.
Mübahisəyə səbəb olan sənədli film 2024-cü il ABŞ prezident seçkiləri ərəfəsində Birləşmiş Krallıqda yayımlanmışdı.
