"Mənim birinci sinif kitablarım indiki uşaqların kitablarından daha ağır idi".
Redaktor.az xəbər verir ki, bu sözləri elm və təhsil naziri Emin Əmrullayev "Real TV"yə müsahibəsi zamanı şagird çantalarının ağırlığı probleminə toxunarkən deyib.
O vurğulayıb ki, nazirlik dərsliklərin çəkisini azaltmaq üçün artıq addımlar atıb:
"Biz onu etmişik ki, əvvəllər dərsliklər birillik hazırlanırdısa, hazırda bunlar yarımillik hazırlanır. İbtidai sinif səviyyəsində səhv etmirəmsə, bir dərsliyin çəkisi təxminən 270-300 qram arasında dəyişir".
