Dietoloq Daria Rusakova açıqlamasında spirtli içkiyə, xüsusən də pivəyə alüdəçiliyin libidonu azaltdığını və kişilərdə erektil disfunksiyaya səbəb ola biləcəyini bildirib.
Qaziler.az xəbər verir ki, bu barədə o, “Ridusu” nəşrinə müsahibəsində danışıb. O, mütəmadi olaraq spirtli içki qəbul edən qadınların menstrual dövr, mayalanma və hamiləlik problemləri ilə üzləşmək riski altında olduqlarını da qeyd edib.
“Pivədən sui-istifadə hormonal balansa və ümumi sağlamlığa mənfi təsir göstərə bilər. Kişilərdə libidonun azalması, estrogenin səviyyəsinin artması və testosteronun azalması səbəbindən erektil disfunksiya, sperma keyfiyyətinin və hərəkətliliyinin, reproduktiv funksiyanın azalması müşahidə oluna bilər”, - deyə Rusakova xəbərdarlıq edib.
O, əlavə edib ki, bədəndə ciddi dəyişikliklərə səbəb ola biləcək spirtin kritik dozalarını müəyyən etmək ümumiyyətlə çətindir. Bununla belə, o, həftədə iki dəfə 300 ml pivə içməyin zərərli olmadığını qeyd edib.
QAZİLER.AZ
