Rusiya Xarici İşlər Nazirliyinin sözçüsü Mariya Zaxarova bildirib ki, Sidneydəki Bondi çimərliyində baş verən terror aktının qurbanları arasında Rusiya vətəndaşları da var.
Zaxarova Xarici İşlər Nazirliyinin saytında verdiyi açıqlamada bildirib: "Məlum olduğu kimi, təəssüf ki, Avstraliyada daimi yaşayan bəzi həmvətənlərimiz terror hücumunun qurbanları arasındadır.

O əlavə edib ki, Moskva terrorizmin bütün formalarına qətiyyətlə qarşı çıxır və beynəlxalq ictimaiyyəti bu şərə qarşı mübarizədə səylərini birləşdirməyə çağırıb. Zaxarova qurbanların ailələrinə və dostlarına başsağlığı verib.

"Parlament qəzeti"nin məlumatına görə, 14 dekabrda Sidneydəki Bondi çimərliyində yəhudilərin Hanuka bayramını qeyd edən tədbir zamanı üç nəfər atəş açıb. Əvvəlcə 10 nəfərin öldüyü bildirilirdi; indi ölənlərin sayı 15-ə çatıb, onlardan biri 10 yaşlı qızdır.

Bir atıcı dərhal öldürülüb, ikisi isə saxlanılıb. Polis terrorçulardan ikisinin 50 yaşlı ata və onun 24 yaşlı oğlu Pakistan vətəndaşı olduğu müəyyən edilib

aia.az
Tərcümə şöbəsi

• Avstraliya
• Ruslar
• Terror Aktı
• Zaxarova
• Qurbanlar