ain.az bildirir, Azvision saytına əsaslanaraq.
AzVision.az xəbər verir ki, sakinlər bacardıqca çətin şəraitə uyğunlaşırlar. Sosial şəbəkələrdə elektrik kəsilməsinin öhdəsindən gələn insanların videoları geniş yayılır. Kadrlarda odessalıların donmuş mənzillərində palto və gödəkçə geyindikləri, portativ sobalarda, qaz balonlarında və hətta qaynaq maşınlarında yemək bişirdikləri, otaqlarını qızdırmaq üçün stasionar sobalarda kərpic qızdırdıqları görünür. Soyuducuların işləməməsi səbəbindən sakinlər yeməkləri pəncərələrin bayırdakı kənarında saxlamaq məcburiyyətində qalırlar, aşağı sürüşməsinin qarşısını almaq üçün pəncərənin altlığına qoyub lentlə yapışdırırlar. Mağazalardakı enerji doldurma məntəqələrinin ətrafına böyük izdiham toplaşır. Bir çox sürücülər mühərrikdən doldurmaq üçün avtomobillərinə enerji blokları və ya ev adapterlər qoşurlar.
Xatırladaq ki, Odessa həftəsonu Rusiyanın enerji obyektlərinə irimiqyaslı aviazərbələr endirib. Ekspertlərin fikrincə, bu, bütün müharibə ərzində ən kütləvi hava hücumudur. Hazırda şəhərdə geniş miqyasda elektrik kəsilməsi vəziyyəti yaşanır, elektrik nəqliyyatı işləmir, bir çox ərazilərdə su yoxdur. “Odessa vilayətində 430 mindən çox insan işıqsız qalıb. Ukraynanın elektrik şəbəkəsindəki vəziyyət mürəkkəb, lakin idarə oluna bilən vəziyyətdə qalır. Rusiya hər gün, ilk növbədə, sərhəd və cəbhə bölgələrində elektrik enerjisi istehsalı, ötürülməsi və paylanması obyektlərinə zərbələr endirir”, - Ukraynanın Energetika nazirliyi bildirib. Odessa vilayətinin energetika sektoruna genişmiqyaslı hücum dekabrın 12-si axşam başlayıb və dekabrın 14-nə qədər səngiməyib.
Sahil İsgəndərov
AzVision.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
