Sankt-Peterburqda 15 yaşlı məktəb şagirdi müəlliminə bıçaqla hücum edərək həm özünə, həm də müəllimə Marıya Andreevaya xəsarət yetirib.
"Cebheinfo.az" Bakupost.az-a istinadən xəbər verir ki. hadisə bu gün səhər 191 nömrəli məktəbdə baş verib.
Məlumata görə, şagird Nikita (ad dəyişdirilib) səhər saat 7-də qiymətini düzəltmək üçün müəllimin yanına gəlib. Müəllim arxasını döndərən kimi Nikita bıçağı çıxararaq müəllimənin kürəyinə zərbə endirib və eyni zamanda özünü də yaralayıb. Hər iki yaralı xəstəxanaya çatdırılıb. Hadisə yerində polis və təcili tibbi yardım xidmətləri fəaliyyət göstərir.
Nikitanın riyaziyyatla bağlı çətinlikləri olub və anası müəllimindən oğluna repetitorluq etməsini xahiş etmişdi.
Prokurorluq araşdırma aparır.
"Cebheinfo.az"
