Belarus Prezidenti Aleksandr Lukaşenko ABŞ Prezidenti Donald Trampa ikona, həyat yoldaşı Melaniyaya isə zərgərlik əşyası hədiyyə edib.
Azreform.info “Belarus1” telekanalına istinadən xəbər verir ki, hədiyyələr 12-13 dekabr tarixlərində qapalı qapılar arxasında keçirilən danışıqlardan sonra ABŞ-ın Belarus üzrə xüsusi elçisi Con Kol vasitəsi ilə təqdim edilib. Telekanalın verdiyi məlumata görə, Lukaşenko ABŞ-ın birinci xanımı üçün Belarus motivləri olan zərif bir zərgərlik əşyası və Amerika lideri üçün Müqəddəs Nikolaya həsr olunmuş xüsusi dəyərli xristian ikonasını hazırlayıb.
Televiziya reportajında həmçinin Belarus prezidentinin amerikalı elçi Kola bir neçə hədiyyə qutusu verərək kimə veriləcəyini izah etdiyi də göstərilib. Lukaşenko həmçinin amerikalılara adlarını qeyd etmədən içkilər verilməsini tapşırıb.
