ain.az, Bizimyol saytından verilən məlumata əsaslanaraq xəbər yayır.
Moskva meri Sergey Sobyanin paytaxt istiqamərində uçan daha üç dronun vurulduğunu bildirib.
Bizimyol.info xəbər verir ki, mer bu barədə özünün "Max" hesabında yazıb.
"Müdafiə Nazirliyinin hava hücumundan müdafiə qüvvələri Moskvaya hücum edən üç dronu vurub", - deyə Sobyanin deyib.
O, təcili yardım xidmətlərinin mütəxəssislərinin dron qəzası yerində işlədiyini dəqiqləşdirib.
15 dekabrda Sobyanin hava hücumundan müdafiə qüvvələrinin bazar ertəsi gecəsi Moskvaya hücum etməyə cəhd edən cəmi 15 dronu məhv etdiyini bildirib.
Birinci dron saat 00:32 radələrində hava hücumundan müdafiə sistemləri tərəfindən zərərsizləşdirilib. Təcili yardım xidmətlərinin əməkdaşları da qəza yerində işləyirdilər. İkinci dron saat 01:46-da vurulduğu bildirilib.
Bu fonda Moskva yaxınlığındakı Jukovski hava limanı və Moskvadakı Domodedovo hava limanı təyyarələrin eniş və uçuşlarını müvəqqəti olaraq dayandırıb. Bu tədbirlər saat 23:51-dən etibarən qüvvədədir və uçuş təhlükəsizliyi ilə bağlıdır.
Bundan əvvəl Dövlət Duması Ukrayna Silahlı Qüvvələrinin Rusiyaya qarşı pilotsuz təyyarə hücumlarını "ümidsizlik jesti" adlandırmışdı.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
