ain.az xəbər verir, Banco.az saytına əsaslanaraq.
Müəllif:Mehin Qasımova,Banco.az
BBC Travel 2026-cı ildə səyahət üçün tövsiyə olunan ən yaxşı 20 ölkə və regionun siyahısını təqdim edib.
Banco.az xəbər verir ki, siyahının ilk yerlərində Birləşmiş Ərəb Əmirliklərinin paytaxtı Əbu-Dabi gəlir. Şəhər böyük mədəni açılışlar ilə yadda qalıb, dünyanın ən böyük rəqəmsal incəsənət muzeyi TeamLab Phenomena burada fəaliyyətə başlayıb. Həmçinin, Əbu-Dabi Təbiət Tarixi Muzeyi və Quqqenhaym Əbu-Dabi müasir incəsənət qalereyası da turistlərin diqqət mərkəzindədir.
İkinci yerdə Əlcəzair qərarlaşıb. Şimali Afrikanın bu ölkəsi Roma xarabalıqları, sürreal səhra mənzərələri və tarixi şəhərləri ilə turistləri cəlb edir. UNESCO-nun Dünya İrsi siyahısına daxil edilmiş Konstantin şəhəri, eləcə də Timgad və Cemila kimi qədim yerlər diqqətə layiqdir.
Çilinin Kolçaqua Vadisi, Argentina sərhədinə yaxın And dağlarından başlayaraq Sakit Okeana qədər uzanan təbii mənzərələri və üzüm bağları ilə mədəni və kulinariya turizmi üçün ideal məkandır.
Kuk Adaları, Polineziya mədəniyyəti və təbii gözəllikləri ilə səyahətçilərə unikal təcrübə təqdim edir.
Kosta Rika beşinci yerdədir. Ölkə ağ qumlu çimərlikləri, vulkanik zirvələri, tropik yağış meşələri və zəngin mədəni irsi ilə turistləri cəlb edir. Kosta Rika meşə örtüyünün 60 faizini qoruyur və 2050-ci ilə qədər karbon neytrallığı hədəfləyir.
Ən yüksək faiz verən depozit hansı bankdadır?
Siyahıda həmçinin aşağıdakı məkanlar yer alıb:
Hebrid adaları, Şotlandiya
İşikava, Yaponiya
Komodo adaları, İndoneziya
Loreto, Meksika
Monteneqro
Oregon Sahili, ABŞ
Oulu, Finlandiya
Filadelfiya, ABŞ
Pnompen, Kamboca
Guimaraes, Portuqaliya
Samburu, Keniya
Santo Domingo, Dominikan Respublikası
Slocan Vadisi, Kanada
Uluru, Avstraliya
Uruqvay
BBC Travel-in məlumatına görə, siyahı həm mədəni, həm təbii, həm də tarixi baxımdan zəngin olan yerləri əhatə edir və 2026-cı ildə səyahət üçün ilham verici istiqamətlər təqdim edir.
Sonrakı hadisələr barədə daha çox məlumat almaq üçün ain.az saytını izləyin.
