ain.az, Ayna portalından verilən məlumatlara əsaslanaraq xəbər verir.
“ABŞ Prezidenti Avropa İttifaqı ölkələrinin demokratik proseslərinə müdaxilə etməməlidir”
“ABŞ Prezidenti Avropa İttifaqı ölkələrinin demokratik proseslərinə müdaxilə etməməlidir”. AYNA.AZ bildirir ki, bu sözləri Avropa Komissiyasının prezidenti Ursula fon der Leyen deyib.
Leyen "Politico"ya verdiyi müsahibədə ABŞ-ın yenilənmiş Milli Təhlükəsizlik Strategiyasında Avropa İttifaqına qarşı tənqidlərlə bağlı suala cavab olaraq bildirib: "Seçkilərə gəldikdə, ölkənin liderinin kim olacağına biz yox, ölkə xalqı qərar veririk. Bu, seçicilərin suverenliyidir və o qorunmalıdır. Başqa heç kim müdaxilə etməməli, sual verilməməlidir".
Avropa Komissiyasının sədri həmçinin qeyd edib ki, ABŞ prezidentləri ilə həmişə "çox yaxşı işgüzar münasibətləri" olub və bu münasibətlər bu günə qədər davam edir.
Tramp əvvəllər dəfələrlə Avropanı tənqid edib. O "Politico"ya verdiyi müsahibədə Avropanın aparıcı siyasətçilərinin hazırkı nəslini bəyəndiyini bildirib. Lakin ABŞ Prezidenti onların "işlərini yaxşı yerinə yetirmədiklərinə" inanır. O gələcəkdə daha uyğun hesab etdiyi Avropa siyasətçilərini dəstəkləyəcəyini bildirib.
Müsahibədə Tramp həmçinin Avropa ölkələrinin immiqrasiya siyasətini yenidən tənqid edib və onun sözlərinə görə, bu siyasət gələcəkdə bu ölkələrin çoxunu "qeyri-sabit dövlətlər"ə çevirəcək.
Sonrakı hadisələr barədə daha çox məlumat almaq üçün ain.az saytını izləyin.
