Azərbaycan 2025-ci il üçün UEFA reytinqindəki mövqeyini qoruyub.
Bizim.Media xəbər verir ki, avrokubokların əsas mərhələsinin bu həftə keçirilən oyunlarından sonra ölkəmizin sıralamada mövqeyinin dəyişməyəcəyi dəqiqləşib.
Azərbaycan 22,250 əmsalla 26-cı pillədə qərarlaşıb.
Bizdən irəlidə Ukraynanın 23,256, ölkəmizdən aşağıda Slovakiyanın isə 22,218 əmsalı var.
Xatırladaq ki, avrokuboklarda tək təmsilçimiz "Qarabağ" son olaraq UEFA Çempionlar Liqasının Liqa mərhələsində "Ayaks"a (Niderland) uduzub (2:4). 55 ölkənin yer aldığı reytinqə 104,005 əmsalla İngiltərə başçılıq edir.
Bizim.Media
