Səudiyyə Ərəbistanı mədən sektorundakı tarazlığı dəyişdirəcək yeni bir kəşf edib.
Hafta.az yazır ki, ölkədə aparılan geoloji tədqiqatlar 11 milyon tonluq böyük bir gümüş ehtiyatı aşkarlayıb. Bu kəşf təkcə Səudiyyə iqtisadiyyatına deyil, həm də qlobal gümüş bazarlarına dərin təsir göstərəcək.
Rəsmilər bildirirlər ki, kəşf edilmiş gümüş ehtiyatı regionda mədənçilik fəaliyyətini sürətləndirəcək, ölkənin gümüş istehsalını və ixracını daha yüksək səviyyəyə qaldıracaq. Yeni ehtiyatın texnologiya, enerji saxlama, elektronika və zərgərlik sektorlarında istifadə olunan gümüşün qlobal qiymət dalğalanmalarına səbəb olacağı gözlənilir.
Mütəxəssislər vurğulayırlar ki, 11 milyon tonluq böyük kəşf təkcə iqtisadi deyil, həm də texnoloji investisiyalara təkan verəcək və Səudiyyə Ərəbistanı gümüş hasilatını "Vizyon 2030"a uyğun olaraq strateji bir sektor halına gətirəcək. Bu inkişafla birlikdə, diqqət indi bu nəhəng gümüş ehtiyatının nə qədər tez emal ediləcəyinə və qlobal bazarlarda necə əks olunacağına yönəlib.
