BOKT "Caspian İnvest" MMC tərəfindən, Azərbaycan xalqının ümummilli lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin 22-ci anım gününə həsr edilmiş ağacəkmə aksiyası keçirilib.
Heydər Əliyev çıxışlarının birində demişdi: “Hər bir insan ağac əkməlidir, becərməlidir, böyütməlidir. Əgər kimsə sağlam ağacı kəsirsə, o, nəinki xalqına, millətinə, ölkəsinə xəyanət edir, o, öz ailəsinə, özü-özünə xəyanət edir.”
Ulu Öndərin yaratdığı möhkəm təməllər üzərində bu gün daha güclü Azərbaycan qurulur.
Aksiya zamanı torpaq-iqlim şəraitinə uyğun 100-dən çox “Kiparis” növündən olan həmişəyaşıl ağac əkilib.
Aksiyada BOKT "Caspian İnvest" MMC rəhbərliyi və əməkdaşları iştirak ediblər.
