8 dekabr 2025-ci il tarixində Prezident İlham Əliyevin Slovakiya Respublikasına səfəri çərçivəsində mətbuata verdiyi bəyanat iki ölkə arasında əməkdaşlığın yeni mərhələyə yüksəldiyini göstərdi.
Dövlət başçısı çıxışında Azərbaycan–Slovakiya münasibətlərinin davamlı inkişaf etdiyini, siyasi və iqtisadi əlaqələrin genişləndirilməsi üçün real imkanların yarandığını vurğuladı. Prezident enerji təhlükəsizliyi sahəsində Azərbaycanın Avropanın etibarlı tərəfdaşı olduğunu qeyd edərək Cənub Qaz Dəhlizinin əhəmiyyətini xüsusi olaraq diqqətə çatdırdı.
Bəyanatda nəqliyyat-logistika layihələri, sənaye, kənd təsərrüfatı, təhsil və humanitar sahələrdə əməkdaşlığın inkişaf etdirilməsinin vacibliyi qeyd olundu. Dövlət başçısı həmçinin regionda sülh və sabitliyin təmin edilməsinin Azərbaycanın əsas prioritetlərindən biri olduğunu bildirdi.
Prezident İlham Əliyevin Slovakiya səfəri iki ölkə arasında strateji tərəfdaşlığın daha da möhkəmlənməsinə və əməkdaşlıq istiqamətlərinin genişlənməsinə mühüm töhfə kimi qiymətləndirilir.
Rakit Həmidov
