Reyting.az portalından alınan məlumata görə, ain.az xəbər verir.
Qəzza zolağında davam edən müharibə ilə İsrail bu il dünyada ən çox jurnalisti öldürən ölkəyə çevrilib.
Reyting.az xəbər verir ki, 2023-cü ilin oktyabr ayından Qəzza zolağına hücumlarını davam etdirən İsrail 220-dən çox jurnalisti öldürüb.
Sərhədsiz Reportyorlar (RSF) 2025-ci ildə dünya miqyasında media nümayəndələrinə hücumlar barədə hesabat yayıb. Hesabata görə, bu il dünya miqyasında müxtəlif hücumlarda 67 jurnalist həyatını itirib və ölümlərin təxminən yarısına İsrail cavabdehdir.
2025-ci ildə İsrailin Qəzzaya hücumlarında Fələstinin 29 media nümayəndəsi həyatını itirib. Bu il ərzində qlobal miqyasda öldürülən jurnalistlərin 43 faizi İsrailin hücumları zamanı dünyasını dəyişib.
Hesabatda qeyd olunur ki, İsrail bu il dünyada ən çox jurnalist öldürən ölkə olaraq qalır. Qeyd olunur ki, İsrail 2023-cü ilin oktyabr ayından Qəzzaya hücumlarda 220-dən çox jurnalisti öldürüb.
Hesabatda həmçinin 20 fələstinli jurnalistin İsrail həbsxanalarında olduğu qeyd edilib.
Hesabata görə, Meksikada cinayətkar təşkilatlar tərəfindən jurnalistlərə hücumlar artıb. Bu il hücumlarda doqquz jurnalistin öldürüldüyü Meksika dünyada jurnalistlər üçün “ikinci ən təhlükəli ölkə”dir.
Y. QACAR
Ən son xəbərləri və yenilikləri almaq üçün ain.az saytını izləyin.
