Idman.biz saytından alınan məlumatlara görə, ain.az xəbər verir.
İngiltərə Premyer Liqasında “Vulverhempton” və “Mançester Yunayted” arasında keçirilən oyun başa çatıb.
İdman.Biz bildirir ki, oyun Vulverhemptondakı “Molineux” stadionunda baş tutub.
“Qırmızı şeytanlar” 4:1 hesabı ilə qalib gəliblər.
Qonaq komandanın matçdakı ilk qolunu 25-ci dəqiqədə yarımmüdafiəçi Brunu Fernandeş vurub. Birinci hissənin sonlarında, 45+2-ci dəqiqədə “Vulverhempton”un yarımmüdafiəçisi Jan-Rikner Belleqard hesabı bərabərləşdirib. İkinci hissədə, 51-ci dəqiqədə hücumçu Brayan Mbemo “Mançester Yunayted”ə üstünlük qazandırıb, 62-ci dəqiqədə Meyson Mauntun qolu isə onların üstünlüyünü daha da artırıb. Fernandeş 82-ci dəqiqədə penaltidən ikinci qolunu vurub.
15 oyundan sonra “Mançester Yunayted” İngiltərə Premyer Liqasının turnir cədvəlində 25 xalla altıncı yerdədir. “Vulverhempton” isə iki xalla 20-ci yerdə qərarlaşıb.
İdman.Biz
Sonrakı hadisələr barədə daha çox məlumat almaq üçün ain.az saytını izləyin.
