Metbuat saytından alınan məlumata görə, ain.az bildirir.
“Nadir genetik xəstəliklərdən olan ixtioz və bullöz epidermoliz üzrə 2023–2027-ci illəri əhatə edən tədbirlər proqramı hazırda işlənmə mərhələsindədir. Yeni proqramın tətbiqi ilə bu xəstəlikdən əziyyət çəkən şəxslərə göstərilən tibbi xidmətlərin əhatə dairəsinin genişləndirilməsi nəzərdə tutulur”.
Metbuat.az xəbər verir ki, bu fikirləri TƏBİB-in Dövlət Proqramları şöbəsinin müdiri Səkinə Qurbanova deyib. O qeyd edib ki, sənəd çərçivəsində xəstələrin müayinədən keçirilməsi, onların ambulator və stasionar şəraitdə müalicəsi, dərman vasitələri ilə təmin olunması planlaşdırılır.
Bununla yanaşı, pasiyentlərin xüsusi baxım vasitələri - şampun, duş geli, köpük və müxtəlif kremlərlə, eləcə də mepitel və mepilex kimi sarğı materialları ilə təminatı nəzərdə tutulur
“Hazırda bu xəstəliklər üzrə ölkədə rəsmi pasiyent reyestri mövcud deyil. Yeni proqramın ən vacib yeniliklərindən biri isə ilk dəfə olaraq ayrıca qeydiyyat sisteminin yaradılmasıdır. Bu reyestr xəstələrin dəqiq uçotuna, ehtiyacların real şəkildə qiymətləndirilməsinə və maliyyə-planlaşdırma prosesinin daha səmərəli qurulmasına imkan verəcək”.
Sonrakı hadisələr barədə daha çox məlumat almaq üçün ain.az saytını izləyin.
