Almaniyanın “Maynts” klubu yeni məşqçi təyinatını açıqlayıb.
Fanat.Az Bundesliqa təmsilçisinin rəsmi saytına istinadən xəbər verir ki, Urs Fişer komandanın başına keçib.
59 yaşlı isveçrəli çalışdırıcı ilə 2028-ci ilin ortalarına qədər müddətə nəzərdə tutulan müqavilə imzalanıb.
"Maynts" ötən həftə Bo Henriksenlə yollarını ayırmışdı. Komanda daha sonra evdə "Borussiya Mönhenqladbax"a 0:1 hesabı ilə məğlub olub.
“Maynts” hazırda Almaniya Bundesliqasının turnir cədvəlində 18-ci yerdədir. Komanda keçirdiyi 13 oyundan 6 xal toplayıb.
Urs Fişerin yeni komandasında ilk sınağı dekabrın 11-də Konfrans Liqasında “Lex”lə oyuna təsadüf edəcək.
