Salyanda orta məktəbdə baş verən zəhərlənmə nəticəsində 17 nəfər xəstəxanaya müraciət edib.
Bu barədə Oxu.Az-ın sorğusuna cavab olaraq Salyan Rayon Mərkəzi Xəstəxanasından məlumat verilib.
Bildirilib ki, xəstəxanasının Təcili tibbi yardım şöbəsinə bu gün saat 13:40-da 17 nəfər (13 nəfər qadın cinsi, dörd nəfər kişi cinsi olmaqla) tüstüdən zəhərlənmə şübhəsi ilə hospitalizasiya olunub:
“Pasiyentlərin hər birinə zəruri tibbi xidmətlər göstərilib. Onlardan vəziyyəti stabil qiymətləndirilən doqquz nəfər ambulator müalicə üçün evə buraxılıb.
Hazırda səkkiz nəfərin müalicəsi davam etdirilir, vəziyyətləri stabildir”.
