ABŞ prezidenti Donald Tramp Venesuela prezidenti Nikolas Maduro ilə telefon danışığı zamanı ona ölkəni tərk etmək üçün bir həftə vaxt verib.
The New York Times qəzetinin məlumatına görə, iki siyasətçi noyabrın 21-də danışıblar. Agentliyin mənbələrinə görə, söhbət 15 dəqiqədən az davam edib. İddialara görə, Tramp Maduroya 28 noyabra qədər bir həftə vaxt verib və ona və ailəsinə hara getmək seçimini təklif edib. Maduro da öz növbəsində özü və ailəsi üçün tam hüquqi əfv, bütün ABŞ sanksiyalarının ləğvi və Beynəlxalq Cinayət Məhkəməsində ona qarşı işin ləğv edilməsini istəyib.
Editor.az xəbər verir ki, “Reuters”in məlumatına görə, ABŞ prezidenti Venesuela liderinin bir neçə tələbini rədd edib. Xüsusilə, Maduro ABŞ-ın bir çoxunu insan haqlarının pozulması, narkotik qaçaqmalçılığı və ya korrupsiyada ittiham etdiyi 100-dən çox Venesuela rəsmisinə qarşı sanksiyaların ləğv edilməsini istəyib. İki mənbəyə görə, Venesuela prezidenti həmçinin vitse-prezident Delsi Rodrigezin keçid hökumətinə rəhbərlik etməsini təklif edib.
Mənbəyə görə, Maduro administrasiyası ABŞ prezidenti ilə daha bir telefon danışığı istəyib.
//Samir Qurbanov, Editor.az
