Bakı, 2 dekabr, AZƏRTAC
Artıq minimum əməkhaqqını 400 manata çatdıra bilmişik.
AZƏRTAC xəbər verir ki, bunu əmək və əhalinin sosial müdafiəsi naziri Anar Əliyev Milli Məclisin dekabrın 2-də keçirilən plenar iclasında deyib.
Minimum əməkhaqqının mütəmadi olaraq artırılmasının təmin edildiyini deyən nazir bildirib: “Ötən müddət ərzində biz bunun 3,1 dəfə artırılmasına nail olmuşuq. Artıq minimum əməkhaqqını 400 manata çatdıra bilmişik. Biz bu islahata başlayanda minimum əməkhaqqının məbləği 130 manat idi”.
