“Davamlı sülh yalnız atəşkəsdən sonra, həmçinin NATO və Aİ sazişlərinin təminat verdiyi müdafiə ilə müqayisə oluna bilən Aİ və ABŞ tərəfindən Ukrayna üçün etibarlı təhlükəsizlik zəmanəti ilə mümkündür. Rusiyanın işğal etdiyi ərazilər Aİ və ona üzv olan dövlətlər tərəfindən onun tərkib hissəsi kimi tanınmamalı, istənilən sülh danışıqları mütləq Kiyev və Brüsselin iştirakı ilə aparılmalıdır”,- qətnamədə deyilir.
 |
| Avropada “hərbi Şengen zonası” ideyası |
- Sülh sazişi Ukraynanın suverenliyini və ərazi bütövlüyünü müdafiə etmək, Rusiyanın vetosu olmadan öz siyasi və müdafiə ittifaqlarını sərbəst seçmək imkanlarını məhdudlaşdırmamalıdır”,- AP-nin qətnaməsində bildirilir.
Sənədin ayrıca bölməsi Rusiyanın məsuliyyətinə və onun dondurulmuş aktivlərinin istifadəsinə həsr olunub. Deputatlar təkid edirlər ki, sülh sazişində Ukraynaya dəymiş maddi və qeyri-maddi ziyanın Rusiya tərəfindən tam ödənilməsi nəzərdə tutulmalıdır.
Avroparlamentarilərin fikrincə, Aİ və ona üzvdövlətlər, Rusiyanın Avropada dondurulmuş aktivləri ilə təmin olunacaq hüquqi və maliyyə cəhətdən əsaslandırılmış“təzminat krediti” mexanizmini dərhal tətbiq etməlidir.
AP həmçinin vurğulayıb ki, sülh sazişi həyata keçirilməyənə qədər Rusiyaya qarşı sanksiyalar ləğv olunmamalıdır.
Xatıraladaq ki, bundan əvvəl Avropa Parlamentinin (AP) Nəqliyyat və Müdafiə komitələri habelə Avropa İttifaqı (Aİ) daxilində qoşunların və hərbi texnikanın hərəkətini sadələşdirən“hərbi Şengen zonası” yaradılması barədə qətnamə layihəsi hazırlayıb.
Sahil İsgəndərov
AzVision.az
