İtaliya jurnalisti Pietro Lazzarini, milli komandanın baş məşqçisi Cennaro Qattuzo ilə bağlı ölkədə etimad məsələsini şərh edib.
90deqiqe.Az-ın “Euro-Futbol.Ru”yaistinadən məlumatına görə, o, bildirib ki, İtaliyada son Dünya Çempionatındakı iki uğursuz nəticədən sonra milli komandaya etimad azalıb:
“Şəxsi fikrimcə, Şimali İrlandiya İtaliya üçün ən sərfəli rəqibdir. Bu oyun asan olmayacaq, amma mən hesab edirəm ki, İtaliya növbəti mərhələyə, kvalifikasiya finalına çıxacaq. Qattuzo İtaliyada ikonadır, amma baş məşqçi kimi deyil. Düşünürəm ki, o, yaxşı məşqçi ola bilərdi, amma milli komandanı çalışdırmaq tam fərqli məsələdir. Buffon və Bonucci ona kömək edə bilər, amma mən yüz faiz inanmıram ki, İtaliya birbaşa Dünya Çempionatına çıxacaq”
Qeyd edək ki, qrup mərhələsinin sonunda İtaliya millisi Dünya Çempionatı – 2026-ya birbaşa vəsiqə qazana bilməyib və pley-off oyunlarında Şimali İrlandiya ilə qarşılaşacaq. Mart ayında yarımfinal mərhələsi çərçivəsində qarşılaşma baş tutacaq.
