“Araz-Naxçıvan” futzal klubu UEFA Çempionlar Liqasının 1/8 final mərhələsində ilk oyununu keçirib.
90deqiqe.Az xəbər verir ki, ilk iki raundu uğurla adlayan Azərbaycan çempionu ilk dəfə təşkil olunan bu mərhələdə Portuqaliyanın “Benfika” klubu ilə qarşılaşıb. Bakı İdman Sarayında keçirilən görüşdə qonaqlar 9:0 hesablı qələbə qazanıb.
Komandalar arasında cavab oyunu dekabrın 5-də keçiriləcək. Cütün qalibi 1/4 finalda AEK (Yunanıstan) – “Sportinq” (Portuqaliya) duelinin qalibi ilə qarşılaşacaq.
