Vnukovo hava limanı bütün uçuşları dayandırdı - Moskvaya uçan PUA vuruldu

Moskvanın Vnukovo hava limanı bütün uçuşları dayandırıb.

Paralel.az xəbər verir ki , bu barədə Federal Hava Nəqliyyatı Agentliyi (Rosaviasiya) məlumat yayıb.

Bildirilib ki, uçuş təhlükəsizliyini təmin etmək üçün Vnukovo hava limanında uçuş və enişlərə müvəqqəti məhdudiyyətlər tətbiq edilib.

Bu arada Moskva istiqamətində uçan Ukrayna pilotsuz uçuş aparatı (PUA) vurulub. İnformasiyanı Moskva meri Sergey Sobyanin təsdiq edib.

Onun sözlərinə görə, təcili yardım xidmətləri PUA-nın hissələrinin düşdüyü yerə gediblər.

Sergey Sobyanin ötən gecə daha üç Ukrayna PUA-sının Moskva istiqamətində vurulduğunu da açıqlayıb.