ABŞ prezidenti Donald Tramp, ölkənin yeni nəsil F-47 döyüş təyyarəsinin yaradılması üzərində işlərə başlanıldığını açıqlayıb. İlkin sınaqların 2025-ci ilin yayında keçirildiyi bildirilir. Altıncı nəsil F-47 təyyarələri, 2028-ci ilə qədər reallaşdırılması planlaşdırılan NGAD (Next Generation Air Dominance) strateji proqramı çərçivəsində inkişaf etdiriləcək. Layihə ilə bağlı detallar hələlik məxfi saxlanılır.
Vətəninfo.az xəbər verir ki, yeni təyyarə, 1600 km-ə qədər uçuş məsafəsi və saatda 2248 km-ə qədər sürət ilə təchiz ediləcək. Ayrıca, F-47 döyüş təyyarələri qabaqcıl texnologiyalarla təchiz olunacaq ki, bu da onların radar və digər müşahidə sistemləri tərəfindən aşkar edilmə ehtimalını azaldacaq.
ABŞ Hərbi Hava Qüvvələri, hər biri 300 milyon dollar qiymətinə başa gələn ən azı 185 ədəd F-47 təyyarəsi almağı planlaşdırır. Bu addım, ABŞ-ın hava üstünlüyünü qorumaq və gələcəkdəki hərbi münaqişələrə hazır olmaq məqsədini güdür.
