Azertag portalından verilən məlumata əsasən, ain.az bildirir.
Bakı,19 noyabr, AZƏRTAC
Vyetnamın cənub və mərkəz ərazilərində fəsadlara səbəb olan daşqınlar davam edir.
AZƏRTAC Vyetnamın VNA informasiya agentliyinə istinadla xəbər verir ki, cənub-mərkəzi bölgədə güclü yağışlar səbəbindən şəhərlərarası sərnişin qatarlarının hərəkəti məhdudlaşdırılıb. Daşqınlar, həmçinin hektarlarla əkin sahəsini su altında qoyub, mal-qara və ev quşları tələf olub, meliorasiya sistemlərinə və çay sahillərinə ciddi ziyan dəyib.
Xatırladaq ki, noyabrın 17-də Vyetnamın Xanhoa əyalətində torpaq sürüşməsi nəticəsində içərisində 40 sərnişin olan avtobus torpaq axını altında qalmışdı. Faciə nəticəsində 6 nəfər həlak olmuş, 19 nəfər isə xəsarət almışdı.
Sonrakı hadisələr barədə daha çox məlumat almaq üçün ain.az saytını izləyin.
