ain.az, Sherg.az portalından verilən məlumatlara əsaslanaraq xəbər verir.
Ukrayna Ali Radasının deputatı Aleksey Qonçarenko Prezident Volodimir Zelenskini ölkəyə qayıtmağa çağırıb.
Teleqraf xəbər verir ki, o, hələlik dövlət strukturlarında baş verən korrupsiya halları ilə bağlı Zelenskinin həbs olunmayacağını bildirib.
“Volodimir Oleksandroviç, sizi də yaxın vaxtlarda (Ukrayna Milli Təhlükəsizlik və Müdafiə Şurasının rəhbəri Rüstəm) Umerov kimi ovlayacağıq. Ukraynaya qayıdın. Sizi hələlik həbs etməyəcəklər. Niyə isti yerlərə qaçırsınız? Gəlin, sizi dəstəkləyən insanlarla, sizə səs verənlərlə danışın. Onlara “Karlson” haqqında məlumat verin (korrupsiya sxemində adı hallanan biznesmen Timur Mindiç istintaq materiallarında bu adla qeyd olunub)”, - o bildirib.
Volodimir Zelenski Ukraynanın dövlət strukturlarında korrupsiya sxeminin üzə çıxması fonunda xarici səfərdədir. Ukrayna prezidenti bundan əvvəl Yunanıstan və Fransanı ziyarət edib, çərşənbə axşamı İspaniyaya gəlib, sabah Türkiyəyə getməyi planlaşdırır. Zelenskinin Ukraynaya qayıdacağı tarix məlum deyil. Həmçinin Umerov bir həftədən artıqdır xaricdədir. Ukrayna KİV-lərində onun adı korrupsiya işi əlaqələndirilib. Bəzi yüksək vəzifəli şəxslər bu çərçivədə istefaya göndərilib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
