ain.az, Bizimyol portalına istinadən məlumat yayır.
Avstraliyanın paytaxtı Kannberrada, rəngli oyun qumlarında asbest tapılması səbəbindən 70 məktəbdə təhsil dayandırılıb.
Bizimyol.info xəbər verir ki, Avstraliya Rəqabət və İstehlakçı Komissiyasının (ACCC) apardığı laboratoriya testləri nəticəsində, qumların tərkibində "tremolit" adlı asbest növü olduğu müəyyən edilib.
Tremolitin havada yayılma və ya nəfəs yoluyla alınma riski aşağı olsa da, bu maddə hələ də təhlükə yarada bilər. Komissiya, qumların geri çağrılması barədə elan verib.
Məktəblərdə istifadə olunan qumlar 2020-2025-ci illər arasında Avstraliyadakı pərakəndə mağazalarından alınıb. Nəticədə, 14 noyabr tarixində Avstraliya Paytaxt Regionunun Təhsil Nazirliyi 24 məktəb və 6 uşaq bağçasını bağlayıb, onların 8-i qismən bağlıdır.
Daha sonra, iki böyük pərakəndə şəbəkəsinin əlavə məhsulların da geri çağrılması barədə elan etməsi ilə ACT hökuməti, əlavə olaraq 70 dövlət məktəbini bağlamağa qərar verib.
ACT Təhsil Naziri Yvette Berry, ACT-dəki asbest qanunlarının ölkədə ən sərt qanunlar olduğunu və bununla fəxr etdiklərini bildirib. O, bu riskin kiçik olduğunu bilsə də, qanunlara uyğun olaraq təhlükəni minimuma endirməyə çalışdıqlarını vurğulayıb.
Berry, hər hansı bir asbestlə bağlı təmizləmə işləri üçün sertifikatlı yoxlayıcıların müdaxilə etməli olduğunu və məktəblərə təhlükəsiz şəkildə geri dönməyi təmin edəcəyini bildirib.
Yeni Zelandiyada da bəzi məktəblər təhsilə ara verib və 200-dən çox məktəb və uşaq baxımı mərkəzi, Təhsil Nazirliyindən məsləhət alıb. Nazirlik, geri çağırılan qumların olduğu məktəblərə yerli ofisləri ilə əlaqə saxlayıb, tədarükçülərdən ödənişin geri qaytarılmasını tələb etmələrini tövsiyə edib.
Asbestin liflərinin nəfəs yolu ilə daxil olması, xərçəng kimi ciddi xəstəliklərə səbəb ola bilər.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
