"Qarabağ"ın ölkəsinin "Flamenqo" klubuna satdığı braziliyalı hücumçu Juninyo uzun fasilədən sonra qol vurub.
O, A Seriyasının 12-ci turu çərçivəsində ötən gecə baş tutan matçda "Sport Resife"nin qapısına yol tapıb.
27 yaşlı forvard 56-cı dəqiqədə meydana çıxıb və 5 dəqiqə sonra komandasınn 2-ci qoluna imza atıb. Oyun "Flamenqo"nun 5:1 hesablı qələbəsi ilə yekunlaşıb.
Qeyd edək ki, bu, "Flamenqo"da heyətə düşməkdə çətinlik çəkən Juninyonun 7 aylıq fasilədən sonra ilk qoludur. O, sonuncu dəfə aprel ayında Libertadores Kubokunun qrup mərhələsində “Deportivo Taçira” ilə matçda fərqlənmişdi. (fanat.az)
