ain.az, Turkstan.az portalına istinadən məlumat verir.
Cavid Fərzəli
Salam, Aktau
Qanım bulanır göy üzünə
Səsim havadan asılır
Əllərim ölümünü gözləyir,
Barmaqlarımda bir ümid çırpınır,
Salam, Aktau
Mənə qucaq açan qollarını
anamdan görmüşəm, anam
Türkistandır.
Yıxılıb kəpənək qanadından
Qaçdım sənə doğru
Dənizin döşündə yatır süd işıqların,
Salam, Aktau
Gərək atlarımızı qanadlandırıb
qalxardıq göy üzünə.
Heç görməzdik balaca
pəncərələrdə ölüm buludunu,
Salam, Aktau
Azadlıq göy üzünü işğal
etməyin adıdırsa,
Mən elə işğalçı olmaq istəyirəm,
Türkistan olmaq istəyirəm
Altay dağlarında,
Uyğur çöllərində,
Salam, Aktau
Daha ətraflı məlumat və yeniliklər üçün ain.az saytını izləyin.
