Amerika prezidenti Donald Tramp hesab edir ki, demokrat Zöhran Məmdaninin Nyu-York mer seçkilərində qalib gəlməsi ilə Birləşmiş Ştatlar öz suverenliyini qismən itirib.
Newscenter.az TASS-a istinadən bildirir ki, Ağ Ev rəhbəri, Florida ştatının Mayami şəhərində keçirilən biznes forumda çıxışı zamanı bu mövqeyini açıqlayıb.
"Biz 2024-cü il noyabrın 5-də çox şeyə nail olduq. Birləşmiş Ştatlar xalqı öz hakimiyyətini geri aldı. Biz suverenliyimizi bərpa etdik. Dünən axşam Nyu-Yorkda onun bir hissəsini itirdik, lakin biz bununla məşğul olacağıq", - deyə Amerika lideri bildirib.
Qeyd edək ki, Mamdani noyabrın 4-də Nyu-York meri seçkilərində qalib gəlib. Qələbəsindən sonra o, Trampı və onun ardıcıllarını dayandıracağına söz verib.
Anar Əliyev
